جاندے اَو

غزل سَپّاں نال بِلَپّے گَڈّھی جاندے اَو

ساہواں دے وچ زہراں نَپّی جاندے اَو

لگدائے کوئی مجبوری سرتےآگئی

نیں مٹی ہوکے پتھر چَبّی جاندے اَو

اپنا آپ بچاون دے لئی دھرتی تے

لوکاں اگے ٹوئے کَھٹّی جاندے اَو

میرے شعراں نوں کیہ سولی چاڑھو

جے مصرعے وچوں مصرعے کَڈّھی جاندےاَو

اندر لُکی حرس دی بھکھ نوں مارن لئی

اکھاں دے نال جثے چَٹّی جاندے اَو

مجھاں اگے بین وجا کے حیدر جی

ول شعراں دا پُچھی، دَسّی جاندے اَو

حیدر علی حیدر