*شعر نہیں کہنا رات سمے ہا نیتا میں*

*غزل*

*شعر نہیں کہنا رات سمے ہا نیتا میں*
*دن چڑھیاتے اوہوں ہٹ کے کیتا میں*

*جدوی مینوں تس نے ڈھیر اکایا تے*
*فوراً نیلے رنگ دا شربت پیتا میں*

*اوناں منظر کھچ کے ساہنویں لے آیا*
*جناں مرضی ہویا یار کنڈیتا میں*

*ربا تندوں کڈھ کے اپنے جُسے چوں*
*ویکھ لئے تیرا چرخ بغارہ سیتا میں*

*ایہناں تیرا قامت مینوں دسنااے*
*لفظاں دے ہتھ دےکے آیاں فیتا میں*

*حیدر میرے حق چہ خیردعاواں کر*
*اک یار بنا بیٹھا واں بد نیتا میں*

*حیدرعلی حیدر*
*تاندلیانوالہ فیصل آباد*




Leave a Reply

Your email address will not be published. Required fields are marked *

*