[facebook][tweet][digg][stumble][Google][pinterest]
اپنے ساہنویں بھیس بدل کے آ جانداں
میں اک جوکر دا کردار نبھا جانداں
جیس دیہاڑے مینوں آن ستاؤندی اے
اوس دیہاڑے کڑمی بھکھ نوں کھا جانداں
خورے کس نوں دھوکا دینداں رات دنے
خورے کس نوں اینے روپ وکھا جانداں
جد وی اکھاں اندر نیندر پیندی اے
اوسے ویلے تیرا خواب جگا جانداں
میں نہیں آکھے لگدا اس ملوانے دے
دل دی من کے اپنا آپ بچا جانداں
جیس جگہ تے تیرا ناں میں سنداواں
اوس جگہ تے اپنی سیس نوا جانداں
جے کر سکھ نیں تیرا حصا حیدر جی
اپنا حصا سمجھ کے دکھ میں چا جانداں
حیدر علی حیدر