راتی اک تصویر تے چھالے نکلے نیں

غزل
راتی اک تصویر تے چھالے نکلے نیں
یعنی رتڑے نیر تے چھالےنکلے نیں

قیدی اوکھے ساہ نیں کڈھے قیداں وچ
قیدی دی زنجیر تے چھالے نکلے نیں

خورے ایہدے اتوں بندہ لنگھیااے
جہڑا ایس لکیر تے چھالے نکلے نیں

ماڑے دے ہتھ پھل،خشبوواں اُگیاں سن
تگڑے دی جاگیر تے چھالے نکلے نیں

تائیوں جُسے نیلک ہوندی جاندی سو
اوہدی سوچ ضمیر تے چھالےنکلے نیں

کیڑے اوس نوں رازق من کے آ گئے نیں
حیدر جدوں فقیر تے چھالے نکلے نیں

حیدر علی حیدر

[facebook][tweet][digg][stumble][Google][pinterest]